Baada ya kumaliza msimu wa ligi kuu kwa kuweka rekodi ya kutopoteza mchezo, kikosi cha Yanga kinaelekea mkoani Arusha kwa ajili ya mchezo wa fainali kombe la Shirikisho la Azam (ASFC) dhidi ya Coastal Union ambao utapigwa keshokutwa Jumamosi Julai 02 katika uwanja wa Sheikh Amri Abeid
Wananchi wamedhamiria msimu huu kushinda mataji yote ya ndani wakiwa tayari wameweka kabatini Ngao ya Jamii na Ligi Kuu
Jana Yanga ilikamilisha mchezo wa mwisho kwenye ligi kwa kupata ushindi wa bao 1-0 dhidi ya Mtibwa Sugar kocha mkuu wa Yanga Nasreddine Nabi akiwapa mapumziko nyota wake muhimu kwa ajili ya mechi ya Jumamosi
Kama Yanga watafanikiwa kutwaa taji la FA basi wataweka rekodi nyingine ya kucheza msimu mzima pasipo kupoteza mchezo katika mashindano yote
