Uzinduzi wa jezi ni leo

Baada ya kusaini mkataba wa udhamini na kampuni ya Sportpesa jana, leo Alhamisi Julai 28 Yanga itakuwa na tukio jingine kubwa la uzinduzi wa jezi kwa ajili ya msimu wa 2022/23

Rais wa Yanga Injinia Hersi Said alisema wanakwenda kuzindua jezi ambazo zitavunja rekodi waliyoweka katika misimu iliyopita

"Kesho (leo) Julai 28 klabu ya Yanga itatangaza jezi yake mpya kwa ajili ya msimu wa 2022/23. Itakuwa jezi bora kuliko jezi zote zilizowahi kutangazwa na klabu ya Yanga"

"Sisi ndio tunaweka standards ya jezi na sisi ndio huwa tunaivuka hiyo standard tuliyoiweka. Ubora wake utakuwa namba moja Tanzania na Ukanda wa Afrika Mashariki na Kati," alitamba Hersi