Kikosi cha Yanga jioni ya leo kimekamilisha maandalizi ya mwisho kuelekea mchezo wa ligi kuu dhidi ya Coastal Union
Mchezo huo unaotarajiwa kuwa na upinzani mkali, utapigwa kesho Jumamosi katika uwanja wa Sheikh Amri Abeid, Arusha
Baada ya mchezo dhidi ya Polisi Tanzania, Yanga iliendelea kubaki mkoani Arusha kusubiri mchezo huo ambao Coastal Union ni wenyeji
Coastal wamechagua kutumia dimba la Sheikh Amri Abeid baada ya uwanja wao wa Mkwakwani kufungiwa
Akizungumzia maandalizi ya kikosi chake kuelekea mchezo huo, Kocha Mkuu wa Yanga Nasreddine Nabi amesema kikosi chake kitawakosa wachezaji watatu Lazarus Kambole, Djigui Diarra na Salum Abubakar ambaye aliumia kwenye mchezo wa Ngao ya Jamii dhidi ya Simba
Nae Kocha Msaidizi wa Yanga Cedric Kaze amewashukuru mashabiki wa mkoani Arusha kwa kuwapa mapokezi mazuri na kuendelea kuwaunga mkono
Kaze amesema mashabiki watarajie mambo mazuri kutoka kwa timu yao kwani msimu huu watakuwa na kikosi bora pengine kuliko msimu uliopita
