Wachezaji Yanga wapewa siku mbili za mapumziko

Wananchi wamerejea jijini Dar es salaam kutoka Arusha, huku Kocha Mkuu Nasreddine Nabi akiwapa nyota wake mapumziko ya siku mbili, kabla ya kurejea kambini kujifua upya kwa mechi zijazo 

Ligi Kuu imesimama kupisha kalenda ya mechi za kuwania kufuzu michuano ya CHAN, Nabi amesema anataka kutumia mapumziko hayo kujiweka fiti kabla ya kuvaana na Azam na baadae Zalan FC ya Sudan Kusini mechi za CAF

"Tulikuwa na siku chache za maandalizi hivyo nahitaji kutumia wiki mbili zilizopo kubaki na wachezaji wangu ambao hawajaitwa timu ya taifa ili kujenga muunganiko mzuri"

"Nina wachezaji wengi wazuri na bora, ila bado hawana muunganiko mzuri licha ya kupata matokeo mazuri katika mechi mbili za awali za ligi," alisema Nabi