Mayele anakitaka kiatu cha dhahabu

Mshambuliaji wa Yanga Fiston Mayele amesema malengo yake msimu huu ni kuhakikisha anaibuka mfungaji bora wa ligi kuu ya NBC baada ya kuikosa tuzo hiyo msimu uliopita

Mayele tayari ameweka nyavuni mabao mawili msimu huu akifunga katika michezo yote miwili dhidi ya Polisi Tanzania na Coastal Union

Amepachika mabao manne katika michezo mitatu, akifunga mabao mawili katika mchezo wa Ngao ya Jamii dhidi ya Simba

"Nashukuru nimeanza vizuri msimu huu nimefunga mabao mawili, msimu uliopita sikuweza kuwa mfungaji bora lakini msimu huu nitahakikisha nafasi vizuri zaidi ili niweze kufanikiwa," alisema Mayele

Msimu uliopita Mayele alifunga mabao 16 akizidiwa bao moja na mshambuliaji wa Geita Gold George Mpole aliyepachika mabao 17