Kocha Mkuu wa Yanga Nasreddine Nabi ndiye aliyependekeza usajili wa winga Bernard Morrison kutoka klabu ya Simba
Ni usajili ambao mashabiki wengi wa Yanga hawakuutarajia, kutokana na sintofahamu iliyotokea kati yake na Yanga pale alipoamua kuukana mkataba halali aliosaini Yanga na akajiunga na Simba
Morrison hakuhitaji muda mrefu kuonyesha thamani yake baada ya kurejea Yanga kwani katika michezo miwili ya ligi msimu huu amefunga bao moja na kutoa pasi moja ya bao
Hata hivyo Nabi amebainisha kuwa Morrison bado hajafikia katika ubora anaouhitaji hivyo amemuandalia program maalum ya mazoezi
Nabi amesema Morrison akiwa katika ubora atakuwa na mchango mkubwa kwenye kikosi cha Yanga hasa kwenye michuano ya ligi ya mabingwa barani Afrika
"Kulingana na ubora wa kikosi changu, nimeona nimpe Morrison mazoezi mengine tofauti ili kuwa imara zaidi na tayari kwa asilimia zote kwa sababu nina imani kubwa ya kufanya vizuri dhidi ya Zalan FC ili nitinge hatua inayofuata," alisema Nabi.
Morrison anasimamiwa mazoezi na prof Healmy Gueldich ambaye anahakikisha raia huyo wa Ghana anakuwa 'fit' sawasawa
"Tunahitaji kuwa na mawinga walio tayari kiushindani kabla ya kuingia katika hatua ya pili ya mtoano, Morrison bado hajawa katika kiwango bora ambacho tunakitaka, ndio maana tunamjenga zaidi"
