Kituo kinachofuata ni Mtibwa Sugar

Baada ya ushindi mnono wa mabao 4-0 dhidi ya Zalan Fc katika mchezo wa ligi ya mabingwa barani Afrika, Yanga inahamishia nguvu kwenye ligi ambapo siku ya Jumanne itakuwa uwanja wa Benjamin Mkapa kuumana na Mtibwa Sugar

Mchezo huo unaotarajiwa kuwa na ushindani mkali, utapigwa kuanzia saa moja usiku

Mtibwa Sugar wameanza vyema msimu huu wakishika nafasi ya pili kwenye msimamo wa ligi wakiwa na alama saba sawa na Yanga lakini wao wamefunga mabao mengi zaidi

Utakuwa mchezo wa pili kwa Yanga kucheza nyumbani msimu huu, ukiwa ni mchezo wa raundi ya nne