Juzi katika mchezo wa ligi ya mabingwa dhidi ya Zalan Fc, Yanga ilitengeneza takwimu za kutisha wakimiliki mpira kwa asilimia 85
Mashuti 14 yalilenga lango na mashuti 18 hayakulenga lango. Fiston Mayele akapiga 'hat-trik' katika mchezo ambao Yanga iliibuka na ushindi wa mabao 4-0
Kocha Mkuu wa Yanga Nasreddine Nabi hakufurahishwa na ufanisi wa vijana wake katika lango la wapinzani na kuahidi kufanya maboresho kabla ya mchezo unaofuata
Ni kesho Jumanne, Yanga itashuka uwanja wa Benjamin Mkapa kumenyana na Mtibwa Sugar katika mwendelezo wa ligi kuu ya NBC
Baada ya kulazimishwa sare ya mabao 2-2 katika mchezo uliopita kwenye ligi dhidi ya Azam Fc, Yanga imedhamiria kurejea katika utamaduni wake wa ushindi na kuendeleza rekodi ya kutopoteza mchezo
Mchezo utapigwa kuanzia saa moja usiku
