Kocha Mkuu wa Yanga Nasreddine Nabi amesema kikosi chake kiko tayari kwa mchezo wa ligi kuu dhidi ya Mtibwa Sugar ambao utapigwa kesho Jumanne katika uwanja wa Benjamin Mkapa
Nabi amesema wataingia katika mchezo huo kwa kuwaheshimu Mtibwa Sugar kwani wana timu nzuri
"Tunawaheshimu Mtibwa Sugar, wamekuwa na msimu mzuri kwa kuangalia nafasi wanayoshika kwenye msimamo wa ligi. Hata hivyo dhamira yetu ni kuona tunapata matokeo mazuri katika mchezo huo," alisema Nabi
Akizungumzia hali ya kikosi, Nabi amesema mlinda lango Djigui Diarra atakosekana kwenye mchezo huo akiendelea kupona majeraha aliyopata kwenye mchezo wa ligi kuu dhidi ya Coastal Union
Aidha wachezaji Farid Mussa na Salum Abubakar 'Sure Boy' nao wamepona majeraha yaliyowafanya wakose mechi zilizopita huenda wakawa na nafasi ya kutumika hapo kesho
Winga Bernard Morrison nae afya yake imeimarika na watamuangalia kwenye mazoezi ya mwisho leo kuona kama wanaweza kumtumia
Nabi amesema benchi la ufundi limewahasisha wachezaji kujituma kuhakikisha wanapata matokeo katika mchezo huo unaotarajiwa kuwa mgumu
