Kiungo Mapinduzi Balama 'Kipenseli' leo anarejea jijini Dar es salaam akiwa na jezi ya Mtibwa Sugar kuwakabili waajiri wake wa zamani Yanga katika mchezo wa ligi kuu ya NBC ambao utapigwa uwanja wa Benjamin Mkapa kuanza saa moja usiku
Balama alikuwa sehemu ya kikosi cha Yanga kwa misimu mitatu. Msimu wake wa mwisho haukuwa mzuri baada ya kupata majeraha aliyomuweka nje ya uwanja kwa zaidi ya miezi 12
Baada ya kupona majeraha, akakutana na changamoto ya kupaa nafasi kwenye kikosi cha kwanza
Yanga ikamruhusu kusaka changamoto katika timu nyingine baada ya mkataba wake kumalizika ndipo Mtibwa Sugar wakainasa saini yake
Katika kikosi cha Mtibwa Sugar, Balama amekuwa mchezaji muhimu akianza katika mechi zote tatu ambazo Mtibwa wamecheza msimu huu
Leo amerejea kuchuana na waajiri wake wa zamani
