Pamoja na kuondoka baada ya mkataba wake kumalizika, aliyekuwa Mtendaji Mkuu wa Yanga Senzo Mazingisa amesema ana matumaini kuwa Yanga itatinga hatua ya makundi ya michuano ya ligi ya mabingwa barani Afrika
Senzo ambaye amerejea kwao Afrika Kusini, amesema amezifuatilia St George na Al Hilal na anaona kati ya timu hizo hakuna yenye kikosi bora kuliko Yanga na hivyo kama wachezaji wa Yanga watapambana sawasawa, wanaweza kutinga makundi
Senzo amesema anafahamu Yanga itauchukulia mchezo dhidi ya Al Hilal kwa umuhimu na kufanya maandalizi mazuri
"Naamini kutakuwa na mipango mikubwa kuelekea hizi mechi mbili zinazofuata, nafuatilia mechi za Yanga unajua mimi ni mwananchi timu iko moto sana," Senzo alinukuliwa na gazeti la Mwanaspoti
"Kikosi kimejaa vizuri sidhani kama ni suala la Zalan dhaifu pekee, hiki ni kikosi ambacho kimeshinda mechi nyingi ngumu, pia kuna benchi bora la ufundi hivi ni vitu vinavyoitofautisha Yanga na timu itakayokutana nayo hatua inayofuata, nawaona Wananchi wakitinga hatua ya makundi msimu huu"
