Moloko, Bigirimana kuikosa Ruvu Shooting

Kocha Msaidizi wa Yanga Cedric Kaze amesema kikosi kiko tayari kwa mchezo wa ligi kuu dhidi ya Ruvu Shooting utakaopigwa uwanja wa Benjamin Mkapa kesho Jumatatu

Kaze amebainisha kuwa katika mchezo huo Yanga itawakosa baadhi ya wachezaji ambao ni majeruhi au sababu nyingine

Jesus Moloko, Chrispine Ngushi, Gael Bigirimana ni majeruhi, Khalid Aucho amefanya mazoezi kwa siku chache wakati Yacouba Songne anasubiri kuorodheshwa kikosini mwezi Disemba huku Bernard Morrison akitumikia adhabu ya kukosa mechi tatu

Kaze amethibitisha kuwa winga Tuisila Kisinda yuko tayari kwa mchezo huo akiwa amefanya mazoezi na wenzake pia akishiriki kwenye michezo ya kirafiki