Nahodha wa zamani wa Yanga, Nadir Haroub 'Cannavaro' amewataka wachezaji wa timu hiyo kujitoa mhanga huko Sudan kuhakikisha wanapata matokeo ambayo yatawapeleka hatua ya makundi ya michuano ya ligi ya mabingwa barani Afrika
Nadir amewahi kuwa sehemu ya kikosi cha Yanga ambacho kiliitikisa Al Ahly msimu wa 2014/15 wakipoteza kwa mikwaju ya penati kule Misri baada ya matokeo ya sare ya bao 1-1
Yanga ilishinda bapo 1-0 uwanja wa Benjamin Mkapa na kupoteza bao 1-0 nchini Misri na hivyo mshindi kuamuliwa kwa changamoto ya mikwaju ya penati Al Ahly wakiibuka washindi
Nadir amesema wachezaji wa Yanga wanapaswa kujiamini, kuweka dhamira ya kuamini hakuna kinachoshindikana kuwania ushindi ndani ya dakika 90 ili mradi kila timu inaingiza wachezaji 11.
"Morali na hamasa ambayo ilikuwepo kwa mashabiki, makocha, viongozi na wachezaji ya kupata ushindi mechi iliyochezwa kwa Mkapa ndiyo hiyo hiyo iendelee kwenye mchezo wa marudiano"
"Kila timu itaingiza wachezaji 11 uwanjani, hilo likamfanye kila mchezaji kusimamia majukumu yake na kuibeba timu," alisema Nadir anayeshikilia rekodi ya kuitumikia Yanga kwa muda mrefu zaidi (miaka 12)
