Ni siku mbili zimesalia kuelekea mchezo wa ligi ya mabingwa mkondo wa pili dhidi ya Al Hilal ambao utapigwa Jumapili, Oktoba 16 huko nchini Sudan
Mechi kubwa, mechi ya heshima kwa Wananchi, thamani ya ushindi wanaoweza kupata wachezaji wa Yanga, ni matokeo ambayo yatabaki mioyoni mwa Wananchi na hakuna shaka yataingia katika vitabu vya kumbukumbu vya klabu ya Yanga
Achana na bonus na zawadi ambazo wachezaji wa Yanga watapata kama watafanikiwa kupata ushindi, lakini kubwa zaidi ni kulinda heshima na kuipaisha Yanga Kimataifa
Al Hilal wanashika nafasi ya 12 katika viwango vya ubora wa klabu barani Afrika, kama Yanga itaweza kuwaondosha kwenye michuano ya ligi ya mabingwa na kutinga hatua ya makundi, itaongeza pointi nyingi na kupanda juu katika viwango vya ubora
Kwa uwekezaji uliofanywa na GSM, huu ni msimu ambao Yanga inastahili kucheza hatua ya makundi ya michuano ya ligi ya mabingwa
Wachezaji wa Yanga wanafahamu wanakwenda vitani huko Sudan, wakirejea na ushindi majina yao yataandikwa kwa wino wa dhahabu kwenye mioyo ya Wananchi
