Afisa Habari wa Yanga Ali Kamwe amesema wachezaji wameumizwa sana na matokeo ya kushindwa kufuzu hatua ya makundi ya michuano ya ligi ya mabingwa huku wakifahamu kwa kiasi gani wamewaumiza mashabiki wao
Kamwe amesema wachezaji wa Yanga wanahitaji nafasi nyingine kuwaonyesha mashabiki wao kuwa bado wako imara na kuwa kukosa kufuzu makundi ligi ya mabingwa walikosa bahati tu
Wanahitaji kushinda mchezo dhidi ya Simba kuongeza morali kuelekea mchezo wa Shirikisho dhidi ya Club Africain
"Siku tuliporejea kutoka Sudan mchezaji wa kwanza kuzungumza na wanahabari alikuwa Fiston Mayele. Kuonyesha ni kwa kiasi gani wamefadhaishwa na matokeo waliyopata"
"Ukiwaangalia nyuso zao utaona machungu na hasira walizonazo, wanahitaji nafasi nyingine kuwaonyesha mashabiki kwa vitendo kuwa kilichotokea ni bahati mbaya"
"Tunashukuru Bodi ya Ligi kwa kutupangia mchezo dhidi ya Simba baada ya mechi ya Al Hilal kwani wachezaji wameapa kutumia mchezo huo kuwaomba radhi mashabiki kwa vitendo"
"Tunachowaambia mashabiki wetu waje kwa wingi uwanja wa Benjamin Mkapa Jumapili, kuna jambo kubwa tumewaandalia. Watani zetu tunawaambia waje uwanjani si wanasema timu yetu mbovu! Waje uwanjani tuonyeshane na sio kufanya propaganda 'kudogosha' dabi baada ya kuona hawawezi kutufunga," alisema Kamwe
