Yawezekana asiwe katika kiwango ambacho wengi wamezoea kumuona lakini hiyo ni kawaida na humtokea mchezaji yeyote
Hapa tunamzungumzia winga Tuisila Kisinda ambaye wengi wanamkosoa baada ya kutokuwa kwenye ubora katika mchezo dhidi ya Simba
Wakati Clatous Chama ameondoka Berkane na kurudi Simba katika dirisha dogo msimu uliopita, kilichomtokea ndicho kinachomtokea Kisinda sasa
Kisinda hakuwa na muda wa kufanya pre-season na timu ya RS Berkane na hiyo ilikuwa moja ya sababu iliyomfanya aondoke Berkane
Awali timu hiyo ilitaka kumtoa kwa mkopo lakini mwenyewe akashinikiza auzwe na Yanga ikafanikiwa kumnasa katika siku ya mwisho kabla ya dirisha la usajili kufungwa
Mara kadhaa kocha mkuu wa Yanga Nasreddine Nabi alibainisha kuwa Kisinda hakuwa na utimamu wa asilimia 100 kulinganisha na wenzake kikosini lakini anahitaji nafasi ya kucheza mara kwa mara ili arudi katika 'form' yake
Wale wanamkosoa sasa wawe na akiba ya maneno, ubora wa mchezaji hauondoki siku moja
Wazungu wanasema 'form is temporary class is permanent'
