Huyu ndio kiungo mshambuliaji sasa

Msimu huu Feisal Salum sio tu anaweza kuwa mchezaji bora wa msimu, bali haitashangaza akiwania kiatu cha dhahabu pia

Bao alilofunga jana katika mchezo dhidi ya KMC ni la nne kwake msimu huu, ukiwa ndio kwanza mchezo wa saba

Yuko nyuma kwa bao moja tu dhidi ya Reliants Lusajo wa Namungo Fc aliyefunga mabao matano

Feisal aliibuka mchezaji bora wa ligi kwa mwezi Septemba na kama atafanya vizuri katika mchezo unaofuata dhidi ya Geita Gold huenda akawania tena tuzo hiyo

Mabao anayofunga yana thamani kubwa sana kwa Yanga rejea mabao yake aliyofunga katika michezo dhidi ya Ruvu Shooting na Azam Fc

Feisal huenda akaumaliza mapema sana mjadala wa nani kiungo bora katika ligi kuu ya NBC