Wananchi wako jijini Mwanza ambapo jioni ya leo watashuka uwanja wa CCM Kirumba kumenyana na Geita Gold katika mchezo wa ligi kuu ya NBC
Mchezo mwingine muhimu kwa Yanga kusaka alama zote tatu ili kuendelea kujichimbia kileleni mwa msimamo wa ligi
Hata hivyo ni mchezo unaotarajiwa kuwa na upinzani mkali kutokana na ubora wa timu zote
Kuna aina ya ushindani umejengeka kati ya Geita Gold na Yanga hasa kwa kuangalia matokeo ya msimu uliopita licha ya Yanga kushinda mechi zote tatu katika mashindano yote
Kwa mara ya kwanza Saido Ntibazonkiza aliyeitumikia Yanga kwa mafanikio makubwa msimu uliopita, leo anakutana na waajiri wake hao wa zamani
Saido anaweza kuwa mchezaji na kutizamwa zaidi kwa upande wa Geita Gold kwani anaifahamu vyema Yanga na leo atatamani kuwaadhibu waajiri wake hao wa zamani
Yanga ilitua Mwanza mapema jana na jioni ikafanya mazoezi ya mwisho kwenye uwanja wa CCM Kirumba
Kocha Mkuu wa Yanga Nasreddine Nabi atautumia mchezo dhidi ya Geita Gold leo kama sehemu ya maandalizi kuelekea mchezo wa kombe la Shirikisho dhidi ya Club Africain ambao utapigwa Jumatano, Novemba 02
Leo Nabi anaweza kuwarejesha kikosini Fiston Mayele, Kibwana Shomari na Djuma Shabani ambao walikosa mchezo uliopita dhidi ya KMC
Djuma na Mayele walikuwa na majeraha madogo lakini jana walishiriki mazoezi ya mwisho kikamilifu
