Kikosi cha Yanga kinatarajiwa kuondoka nchini kesho Ijumaa mchana kuelekea Tunisia kwa ajili ya mchezo wa marudiano kuwania tiketi ya kutinga makundi ya kombe la Shirikisho dhidi ya Club Africain
Taarifa iliyotolewa na Yanga, imebainisha kuwa msafara wa watu 41 utaondoka nchini majira ya 9:25 mchana. Wachezaji ni 22, benchi la ufundi ni 10 na viongozi 9
Yanga itapitia Dubai ambapo inatarajiwa kuwasili usiku wa Ijumaa saa tatu na watalala hapo na kuendelea na safari kuelekea Tunisia siku ya Jumamosi
Timu itawasili Tunisia Jumamosi mchana na moja kwa moja kuelekea mji wa Sousse ambako Yanga itaweka kambi kujiandaa na mchezo dhidi ya Club Africain
Timu itarudi Mji wa Tunis jioni ya Novemba 07 ambapo Novemba 08 watafanya mazoezi yao ya mwisho kwenye uwanja wa Hammed Agrebi Olympic utakaotumika katika mchezo huo Jumatano Novemba 09
