Jioni ya leo majira ya saa 12 Yanga itafanya mazoezi ya mwisho kuelekea mchezo wa mkondo wa pili kombe la Shirikisho dhidi ya Club Africain ambao utapigwa katika uwanja wa Hammedi Agrebi Olympic
Yanga imetumia siku tatu kujiandaa na mchezo huo ndani ya Tunisia lengo likiwa kushinda mchezo huo baada ya kulazimishwa suluhu ya bila kufungana katika mchezo wa mkondo wa kwanza uliopigwa uwanja wa Benjamin Mkapa jijini Dar es salaam
Vijana wa kocha Nasreddine Nabi wako tayari kuipambania Yanga huko ugenini na wameapa kupambana kwa jasho na damu ili kupata matokeo mazuri
Kwa Wananchi tulioko Tanzania hatuna budi kuwaombea wapambanaji wetu ili waweze kupata matokeo mazuri siku ya kesho
Nia wanayo, sababu wanayo na hata uwezo wa kumtandika Club Africain katika uwanja wake wa nyumbani wanao pia
HAKUNA LISILOWEZEKANA KWENYE MPIRA WA MIGUU
