Mtendaji Mkuu wa Yanga Andre Mtine amesema wamekuwa na maandalizi mazuri nchini Tunisia kuelekea mchezo wa mkondo wa pili kombe la Shirikisho dhidi ya Club Africain ambao utapigwa kesho Jumatano katika uwanja wa Hammedi Agrebi Olympic
Mtine amesema wamekuwa na utulivu katika maandalizi yao, benchi la ufundi na wachezaji wamepata muda mzuri wa kufanya maandalizi ya mchezo huo na sasa wako tayari
"Tuko vizuri, tumewasili hapa Tunis jana, tunajiandaa na mazoezi ya mwisho saa 12 jioni katika uwanja ambao tutacheza hapo kesho. Tunajiamini, wachezaji wanajiamini, morali yao iko juu na tuna matumaini ya kupata matokeo mazuri hapo kesho"
"Tumepata hamasa kutoka kwa Waziri Mkuu wa Tanzania (Mh Kassim Majaliwa) na pia ubalozi wa Tanzania hapa Tunisia, kila kitu kiko vizuri kuelekea mchezo husika," alisema Mtine
Awali kulikuwa na taarifa kuwa Kocha Mkuu wa Yanga Nasreddine Nabi aliomba mshambuliaji kinda Clement Mziza aongezwe katika kikosi chake, Mtine amesema kuwa Yanga imesafiri na wachezaji wenye uzoefu ambao wako tayari kuipambania timu siku ya kesho
