Kocha Mkuu wa Yanga Nasreddine Nabi leo huenda akatumia kikosi kilichoiangamiza Club Africane kule Tunisia katika mchezo wa kombe la Shirikisho na kufanikiwa kutinga hatua ya makundi
Yanga inahitaji ushindi mchezo wa ligi kuu dhidi ya Singida Big Stars ambao utapigwa uwanja wa Benjamin Mkapa saa 1 usiku
Ukiondoa mlinda lango Djigui Diarra na Stephane Aziz Ki ambaye pamoja na kutumikia adhabu, ameruhusiwa kwenda kujiunga na timu ya Taifa, wachezaji wengine walioipa Yanga ushindi kule Tunisia wote wapo
Pengine mabadiliko madogo yanaweza kuonekana kwenye safu ya ulinzi pembeni Djuma Shabani huenda akarejea upande wa kulia na Kibwana Shomari kuhamia upande wa kushoto
Yannich Bangala, Dickson Job na Khalid Aucho wapo kama ilivyo kwa Jesus Moloko, Salum Abubakar 'Sure' na Feisal Salum
Fiston Mayele anatarajiwa kuongoza safu ya ushambuliaji huku Bernard Morrison akishambulia kutokea wingi ya kushoto
Utakuwa mchezo wenye ushindani, Yanga inahitaji kushinda ili kurejea kileleni katika msimamo wa ligi
