Wananchi wamepania alama tatu dhidi ya Dodoma Jiji

Kikosi cha Yanga kiliwasili mkoani Singida mapema jana na jioni wakaanza maandalizi kuelekea mchezo wa ligi kuu dhidi ya Dodoma Jiji ambao utapigwa katika uwanja wa Liti

Ni mchezo mwingine muhimu kwa Yanga, alama tatu zitawarejesha kileleni mwa msimamo wa ligi wakiwa na mechi mbili mkononi

Jana Azam Fc walipanda kileleni mwa msimamo wa ligi baada ya ushindi wa bao 1-0 dhidi ya Namungo Fc mkoani Lindi

Azam Fc wana alama 29 baada ya kucheza mechi 13 wakifuatiwa na Simba yenye alama 27 baada ya kucheza mechi 12 wakati Yanga ina alama 26 baada ya kucheza mechi 10

Afisa Habari wa Yanga Ali Kamwe amesema dhamira yao ni kutetea ubingwa kwa msimu wa pili mfululizo hivyo kila mechi ni kama fainali kwao