Keshokutwa Jumamosi Yanga itashuka uwanja wa Benjamin Mkapa kupepetana na Mbeya City katika mchezo wa ligi kuu ya NBC
Utakuwa mchezo mzuri wenye ushindani wa aina yake kwani mara nyingi mechi kati ya timu hizi huwa na upinzani mkali
Msimu uliopita Mbeya City ilifanikiwa kuondoka na alama mbili mbele ya Yanga
Mechi zote mbili za ligi zlimalizika kwa matokeo ya sare. Mchezo wa kwanza uliopigwa uwanja wa Benjamin Mkapa ulimalizika kwa suluhu ya bila kufungana na mchezo wa pili kule Mbeya ukamalizika kwa sare ya bao 1-1
Mbeya City pia wana deni na mshambuliaji kinara wa mabao Fiston Mayele, anawadai 'KUTETEMA'
Mbeya City, Ruvu Shooting, Tanzania Prisons na Ihefu Fc ni timu chacha ambazo hazijaonja radha ya kufungwa na Mayele
Baada ya kuwasimamisha Simba jana, Mbeya City watakuja kuikabili Yanga wakiwa na morali
Hata hivyo Wanakutana na Wananchi ambao ni kama gari lililokata breki, linasomba kila kinachojitokeza mbele yake
Ushindi kwa Yanga utawahakikishia waendelee kujiimarisha kileleni mwa msimamo wa ligi kwa alama tatu zaidi huku wakiwa bado wana mechi mbili za viporo
