Majeraha ya goti yamuweka Mshery nje

Mlinda lango Aboutwalib Mshery amepata majeraha ya goti ambayo yatamuweka nje kwa takribani mwezi mmoja

Meneja wa Yanga Walter Harrison amesema Mshery hatakuwa miongoni mwa wachezaji wanaorejea mazoezini leo kwa ajili ya maandalizi ya mchezo wa kombe la FA dhidi ya Kurugenzi ambao utapigwa Jumapili, Disemba 11

Aidha Harrison amesema wachezaji wengine waliokuwa majeruhi, Farid Mussa na Salum Abubakar 'Sure Boy' wataendelea kukosekana

Farid anatarajiwa kuwa nje kwa wiki mbili akiuguza jeraha la nyama za paja wakati Sureboy akisubiri vipimo vya kina kubaini majeraha yanayomsumbua