Kocha Msaizidi wa Yanga Cedric Kaze amempongeza mshambuliaji kinda Clement Mzize kwa kufunga mabao manne kwenye mchezo wa kombe la FA dhidi ya Kurugenzi Fc ambao ulipigwa uwanja wa Benjamin Mkapa jana
Hata hivyo Kaze amesema Mzize hapaswi kuwekwa katika presha ya kufananishwa na wachezaji wengine kwani yeye bado anaendelea kukua
"Nimefurahi kuona amefunga mabao manne, Mzize ni mchezaji mzuri ambaye anaendelea kukua, tuendelee kumsaidia ili aweze kufikia kiwango cha juu"
"Ni mshambuliaji anayeweza kukupa vitu vingi, iwe kusimama kama mshambuliaji pekee, kushambulia kutokea pembeni, ana kasi, mbinu na uwezo mkubwa wa kufunga"
"Hata hivyo sio muda wa kumuweka kwenye presha ya kumfananisha na Mayele (Fiston), yeye bado mdogo na anaendelea kuimarika. Naamini kwa mwenendo wake, sio muda mrefu Mzize atakuwa mshambuliaji mkubwa hapa Tanzania," alisema Kaze
Pamoja na kufunga mabao manne kwenye kombe la FA, Mzize pia ana bao moja kwenye ligi kuu ya NBC
