Dirisha dogo la usajili limewadia

Dirisha dogo la usajili linatarajiwa kufunguliwa usiku wa kuamkia Ijumaa, Disemba 16 2022 kwa timu za Ligi Kuu, Championship, daraja la kwanza na ligi ya Wanawake

Dirisha hilo litafungwa Januari 15 2023 ambapo klabu zitatakiwa kufanya usajili pamoja na kukamilisha uhamisho wa kimataifa ndani ya muda

Ni nafasi Yanga kufanya maboresho muhimu ili kuhakikisha wanatimiza malengo yao ya kutetea mataji yote waliyotwaa msimu uliopita

Rais wa Yanga Injinia Hersi Said amewahakikishia Wananchi kuwa watatekeleza mapendekezo yaliyotolewa na benchi la ufundi kwa kukiongezea nguvu kikosi kwenye dirisha hili