Kocha Msaidizi wa Yanga Cedric Kaze amesema wanajiandaa vyema kuelekea mchezo wa ligi kuu dhidi ya Azam Fc huku wakitambua mchezo huo hautakuwa mwepesi
Yanga inahitaji kupata ushindi dhidi ya Azam Fc ili kujiweka katika nafasi nzuri kwenye mbio za kuwania ubingwa
Mchezo wa mkondo wa kwanza uliozikutanisha timu hizo ulimalizika kwa matokeo ya sare ya mabao 2-2 huku Yanga ikilazimika kusawazisha mabao mara mbili kupitia kwa Feisal Salum 'Fei Toto'
Kaze amesema wachezaji wanaonyesha juhudi mazoezini ikiwa ni ishara 'wanautaka' mchezo huo
"Tunatarajia mchezo mgumu na wa ushindani kwa sababu Azam FC ni miongoni mwa timu bora msimu huu wakiwa kwenye vita ya ubingwa"
"Mkakati wetu ni kuona hatuangushi pointi hata moja ili tujiimarishe kileleni lengo likiwa kutetea ubingwa. Tunawaheshimu Azam Fc kwani tunafahamu na wao wamejiandaa kwa ajili ya kushindana ili kuweza kufikia malengo yao pia," alisema Kaze
Yanga inakwenda kuchuana na Azam Fc kwenye uwanja wa Benjamin Mkapa ikiwa katika kiwango bora baada ya ushindi wa mabao 3-0 katika michezo dhidi ya Polisi Tanzania na Coastal Union
