Leo Ijumaa, Januari 06 Kamati ya Sheria na Hadhi za Wachezaji ya Shirikisho la Soka Tanzania 'TFF' imesikiliza shauri lililowasilishwa na klabu ya Yanga dhidi ya kiungo Feisal Salum 'Fei Toto' ambaye mwishoni mwa Disemba 2022 alitangaza kuvunja mkataba wake na klabu hiyo
Mkurugenzi wa Sheria wa Yanga Simon Patrick, Wakili msomi Alex Mgongolwa waliongoza jopo la Wanasheria wa Yanga huku Feisal naye akiongozana na Wanasheria wake katika mjadala wa kisheria uliodumu kwa takribani saa moja katika Ofisi za TFF, Ilala jijini Dar es salaam
Bado Kamati ya Sheria na Hadhi za Wachezaji haijatoa taarifa juu ya maamuzi yaliyofikiwa ingawa Mwanasheria wa Feisal alizungumza kwa ufupi kuwa hafahamu nini kitaamuliwa na Kamati hiyo na hivyo hafahamu kama Feisal atarejea Yanga au la
