Ushindi wa Yanga dhidi ya Ruvu Shooting hapo jana unawafanya mabingwa hao watetezi ligi kuu ya NBC kushinda mechi nane mfululizo tangu walipopoteza mchezo dhidi ya Ihefu Fc
Yanga wameifikia rekodi ya ushindi wa mechi nane mfululizo katika ligi msimu huu iliyowekwa na Azam Fc
Kwa ujumla Yanga imeshinda mechi tisa mfululizo ikiwa ni pamoja na mechi ya kombe la FA dhidi ya Kurugenzi
Kama watashinda mchezo unaofauata kombe la FA dhidi ya Rhino Rangers, utakuwa mchezo wa 10
Aidha ikumbukwe Wananchi wameweka mkakati wa kushinda mechi nyingine saba mfululizo ili kuhakikisha wanatetea ubingwa kwa msimu wa pili
Kama malengo hayo yatafanikiwa, basi Yanga itaweka rekodi ya aina yake ya kushinda zaidi ya mechi 15 mfululizo
Yanga inaonyesha kwa vitendo dhamira ya kutetea ubingwa kwani hata katika mechi ambazo haichezi vizuri, imefanikiwa kuondoka na alama zote tatu
