Wananchi dimbani dhidi ya Rhino Rangers, kombe la FA

Kikosi cha Yanga leo saa 1 usiku kitashuka uwanja wa Benjamin Mkapa kuikabili Rhino Rangers katika mchezo wa kombe la FA kuwania nafasi ya kutinga hatua ya 16 bora

Ni mchezo wa mtoano ambao lazima mshindi apatikane, kama dakika 90 zitamalizika kwa sare, mikwaju ya penati itaamua

Pamoja na kuwa mpira wa miguu una matokeo matatu, ushindi kwa Rhino Rangers leo ni sawa na mende kuangusha kabati

Yanga na Rhino Rangers ziko katika madaraja tofauti ya ubora, Rhino watahitaji muujiza kuwafunga Wananchi leo

Itakuwa mechi nzuri kwa Kocha Mkuu wa Yanga Nasreddine Nabi kukipima kikosi chake baada ya mazoezi ya wiki nzima

Rhino Rangers wametamba kuwa hawataingia kinyonge kwenye mchezo huo, kwani nao wanahitaji kutinga hatua ya 16 bora