JKT Queens dhidi ya Yanga Princess leo

Leo Jumatano, Februari 1 2023 Yanga Princess itaendelea na kampeni ya kuwania ubingwa wa ligi kuu ya Wanawake 'Serengeti Lite' watakapoikabili JKT Queens katika mchezo utakaopigwa Uwanja wa Jenerali Samuyo, Mbweni

Hautakuwa mchezo mwepesi hata kidogo kwani JKT Queens wana kikosi bora msimu huu wakiwa ndio vinara wa ligi wakiwa na alama 16

Wameshinda mechi tano na kupata sare mchezo mmoja. JKT Queens ndio timu pekee ambayo haijapoteza mchezo kwenye ligi hiyo msimu huu

Yanga Princess inashika nafasi ya nne ikiwa na alama 13, ushindi siku ya leo utakuwa na thamani kubwa kwa Yanga Princess katika mkakati wao wa kuwania ubingwa

Kocha Mkuu wa Yanga Princess Sebastian Nkoma amesema vijana wake wako imara, tayari kuikabili JKT Queens