Baada ya Yanga kuzindua jezi maalum kwa ajili ya michuano ya kombe la Shirikisho barani Afrika (CAF CC) na kutangaza jezi hizo zitauzwa Tsh 50,000/- wapo waliodhani bei hiyo ni kubwa sana
Zipo baadhi ya redio ziliendesha mijadala kwenye vipindi vyao vya michezo wakikosoa kiwango hicho cha bei kilichowekwa wakiamini Wananchi hawataweza kuzinunua
Lakini Wananchi wamewadhihirishia ni kiasi gani wanaipenda timu yao na wako tayari kutoa gharama yoyote kununua bidhaa za klabu yao
Umati wa watu waliojitokeza duka la Yanga lililopo Makao Makuu ya klabu, Jangwani ni ishara ya upendo mkubwa wa Wananchi kwa timu yao
Wananchi wamenunua jezi kama njugu huku wengine wakiuambia uongozi wao kuwa kwa ubora wa jezi hizo, zilipaswa kuuzwa zaidi ya Tsh 50,000/-
Jezi hizo ni toleo maalum kwa ajili ya michuano ya CAF na zinauzwa kwenye duka la Yanga pekee
