Mabingwa wa soka Tanzania, Yanga ni miongoni mwa klabu zinazopewa nafasi ya kufanya vizuri kwenye michuano ya kombe la Shirikisho barani Afrika ambapo watacheza mechi yao ya kwanza hatua ya makundi siku ya Jumapili dhidi ya US Monastir
Kulingana na mtandao wa @africasoccerzone ambao umekusanya takwimu kulingana na kiwango na mwenendo wa timu husika kwa msimu huu, Yanga inashika nafasi ya nne
Afisa habari wa Yanga Ali Kamwe amesema takwimu hizo zinaonyesha Yanga ni moja ya timu bora barani Afrika kwa sasa
Kamwe amesema ni wakati wa Yanga kwenda kudhihrisha kwa vitendo kuwa wako tayari kuipeperusha bendera ya Yanga Kimataifa
"Hii ni orodha rasmi ya timu kubwa kwenye mashindano haya. Kwa Facts hiyo, kwa ubora wetu, Afrika inatuona kwenye Nusu Fainali, msimu huu"
"Ombi langu kwenu, Twendeni Tukajitoe kwa asilimia 100%. Kama tulivyofanya mara ya mwisho Tulipokuwa kwenye Ardhi hii. Mamilioni ya Wananchi kule Tanzania, wanakesha wakiwaombea. Wanaamini Uwezo wenu unaweza kutupa Pointi 3 hapa Tunisia," alisema Kamwe
