Baada ya ushindi wa mabao 3-1 dhidi ya Geita Gold hapo jana, nyota wa Yanga wamepewa mapumziko ya siku moja kabla ya kuanza mawindo ya mchezo wa kombe la Shirikisho dhidi ya US Monastir. Mchezo huo utapigwa Jumapili, March 19 katika uwanja wa Benjamin Mkapa
Wakiwa nafasi ya pili kundi D na alama zao saba, Wananchi watakwenda robo fainali kama watashinda mchezo huo
Ni rahisi kusema hii itakuwa mechi ya zaidi ya kufa au kupona kwa Yanga ili kujihakikishia nafasi ya kutinga robo fainali
Yanga ni lazima ikate tiketi hapa nyumbani kabla ya kwenda DR Congo kukamilisha mchezo wa mwisho dhidi ya TP Mazembe
US Monastir tayari wametinga robo fainali, wao watakuja kusaka angalau alama moja ili kujihakikishia kumaliza nafasi ya kwanza kwani mchezo wao wa mwisho dhidi ya Real Bamako utapigwa Tunisia
Real Bamako watakuwa nyumbani kuikabili TP Mazembe katika mchezo unaofuata, kama watashinda watafikisha alama tano wakati kama TP Mazembe watashinda watafikisha alama sita
Matokeo tofuati ya ushindi kwa Yanga katika mchezo dhidi ya US Monastir yatafufua matumaini ya timu hizi kwani hatma ya timu itakayokwenda robo fainali na US Monastir itabidi isubiri matokeo ya mechi za mwisho
Ili kuepuka presha hii, Yanga lazima itinge robo fainali Jumapili kwa kuwafunga US Monastir hapa kwa Mkapa
