US Monastir wawasili kwa mechi dhidi ya Yanga

Kikosi cha US Monastir kimewasili nchini Alfajiri ya leo Ijumaa kuelekea mchezo wa kombe la Shirikisho dhidi ya Yanga

Mtanange huo utapigwa Jumapili, March 19 katika uwanja wa Benjamin Mkapa, saa 1 usiku

Mechi muhimu kwa Yanga kuibuka na ushindi ili kutinga robo fainali ya michuano hiyo

Mkufunzi wa timu hiyo Darco Novic amesema wanatambua mchezo utakuwa mgumu lakini wao hawana presha kwa kuwa tayari wamejihakikishia tiketi ya robo fainali

Novic amesema itakuwa mara ya kwanza wachezaji wake kucheza katika uwanja ulifurika mashabiki hivyo anaamini mchezo utakuwa mzuri