Makamu wa Rais wa Yanga Arafat Haji amewapongeza mashabiki waliojitokeza kwa wingi uwanja wa Benjamin Mkapa jana katika mchezo wa kombe la Shirikisho dhidi ya US Monastir
Licha ya mvua, Wananchi walijitokeza kwa wingi uwanjani na zaidi ni vile walivyojitolea na kuwa sehemu ya ushindi wa mabao 2-0 ambao uliwapeleka Wananchi robo fainali huku wakiongoza kundi D
Arafat amesema walichokishuhudia wapinzani uwanjani wa Benjamin Mkapa lazima kiwatishe na huu ni mwanzo tu wa mafanikio makubwa yanayokuja
"Nani atauzima moto huu wa Yanga? Nani haogopi mziki huu wa Wananchi? Nani anaweza kuthubutu kufikiri atatoka salama kwa Mkapa?"
"Hatimae FULL HOUSE FULL SHANGWE imelipa tena kibabe mpaka wanaogopa, hakika tuna kila sababu ya kumshukuru Mola wetu kwa kutufikisha hatua hii kubwa. Yanga tumethibitisha kwamba maneno kwetu kidogo mpira mwingi tukitinga kibabe Hatua ya Robo Fainali ya Kombe la Shirikisho Afrika"
"Hii leo haikuwa tu kufuzu kama wale wenzetu lakini tunaongoza kundi letu tukiwashusha Us Monastir kwa kufikisha alama 10 lakini tukiwa na tofauti nzuri ya mabao ya kufunga na kufungwa"
"Tunafuzu Leo tukiwa hatujaangusha pointi yoyote nyumbani.Wananchi Wananchi Wananchi Wananchi Wananchi Wananchi nasemajeee HAKUNA ALIYETOKA SALAMA KWA MKAPA nani anaweza? Wananchi hii leo mmeithibitishia Afrika ninyi ndio mashabiki na wanachama wenye hamasa na ari kwa timu yenu, bila kujali mvua kubwa iliyokuja leo lakini mkasema hii ni baraka bado mkafanya kweli kwa kuitikia wito wa kuja kuifurisha Mkapa Stadium"
"Nyie ni watu bora sana,mmetuheshimisha tunasema AHSANTENI Sasa niwape mchongo Wananchi pigeni bata na kutamba kwa ubora wa timu yenu lakini tunakwenda kuweka historia kwa kushinda ugenini lakini kubwa tunataka kuongoza makundi ili kujitofautisha na wote"
"Tambeni na jivunieni kuipenda klabu bora kama hii, imeisha hiyoooo," aliandika Arafat kwenye ukurasa wake wa mtandao wa kijamii
