Kocha Mkuu wa Yanga Nasreddine Nabi anamuandaa mshambuliaji kinda Clement Mzize kuwakabili TP Mazembe kwenye mchezo wa kuhitimisha hatua ya makundi kombe la Shirikisho barani Afrika
Mchezo huo utapigwa Jumapili, April 02 saa 10 jioni huko Lubumbashi, DR Congo Yanga ikihitaji ushindi ili kuwa na uhakika wa kumaliza kinara wa kundi
Mzize ni miongoni mwa wachezaji wa Yanga ambao hawakuitwa katika timu za Taifa akiendelea kujifua na wenzake Avic Town timu ikiwa imeingia kambini jana
Takribani wachezaji 12 wa Yanga wako kwenye majukumu ya timu za Taifa ikiwa ni pamoja na washambuliaji tegemeo Fiston Mayele na Kennedy Musonda
Wakati Yanga ikitarajiwa kuondoka nchini Alhamisi kulekea DR Congo, baadhi ya nyota wanaocheza nje ya nchi wao wataungana na timu hukohuko Congo
Mzize tayari amethibitisha yuko tayari kwa majukumu makubwa kwenye kikosi cha Yanga msimu huu akiwa amepachika mabao 10 katika mashindano yote
Nabi amemtumia Mzize katika mechi zote tano za hatua ya makundi, akimpa dakika 10 za mwisho
Bado hajafanikiwa kufunga lakini ni mchezaji mwenye kiu ya kupachika bao katika michuano hiyo na kuingia katika vitabu vya kumbukumbu vya klabu ya Yanga
