Mtine kuhudhuria droo ya CAF leo

Mendaji Mkuu wa Yanga Andre Mtine atahudhuria droo ya Robo Fainali ya Kombe la Shirikisho Afrika sambamba na Ligi ya Mabingwa Afrika itakayofanyika leo Jumatano

Mtine aliondoka nchini jana jioni tayari kwa hafla hiyo itakayofanyika jijini Cairo kuanzia saa 3:30 usiku

Yanga ni moja kati ya timu nane zitakazosubiri kujua watakutana na timu ipi kwenye hatua ya robo fainal kwa upande wa shirikisho.

Yanga imefuzu hatua ya robo fainali baada ya kuongoza kundi D. Timu tatu ambazo moja inaweza kungukia kwa Yanga ni USM Alger (Algeria), Pyramids (Misri) na Rivers United (Nigeria)

Mechi ya kwanza itapigwa ugenini na mechi ya pili kupigwa katika uwanja wa Benjamin Mkapa

Mechi zote mbili zitapigwa kati ya April 22-30 2023