Afisa Habari wa Yanga Ali Kamwe amesema ni nafasi adimu kwa mashabiki wa Yanga nchini kushuhudia timu yao ikitinga nusu fainali ya kombe la Shirikisho barani Afrika
Kamwe amesema Wananchi wanapaswa kujitokeza kwa wingi uwanja wa Benjamin Mkapa katika mchezo wa mkondo wa pili robo fainali kombe la Shirikisho dhidi ya Rivers United
Kamwe amesema pamoja na ushindi wa mabao 2-0 waliopata katika mchezo wa mkondo wa kwanza, lakini bado hawajafikia malengo, wachezaji wao wanahitaji sapoti ya mashabiki kuhakikisha wanaibuka na ushindi na kufuzu nusu fainali
"Yanga tunajivunia matokeo ya ushindi wa mabao 2-0 dhidi ya Rivers United ugenini lakini tunajua bado tuna kazi ya kufanya tuweze kutinga nusu fainali"
Tunataka mashabiki waujaze uwanja wa Benjamin Mkapa katika Jumapili ya Kivumbi na Jasho itakayokuwa ya kihistoria kwa Yanga kufuzu nusu fainali. Tunataka mpaka kufikia siku ya Jumamosi tiketi zote kuelekea mchezo ziwe zimemalizika"
"Mashabiki wote watakaokuja uwanjani Jumapili wahakikishe wamevaa jezi au mavazi ya njano na kijani, tunataka uwanja wote uwe njano na kijani," alisema Kamwe
Kamwe amesema hamasa kuelekea mchezo dhidi ya Rivers itazinduliwa siku ya Ijumaa, mchana Tandika jijini Dar es salaam
Ijumaa asubuhi kutakuwa na zoezi la uchangiaji damu litakalofanyika viwanja vya Leaders jijini Dar es salaam
Siku ya Jumamosi kutakuwa magari matano ambayo yatakuwa yakiuza tiketi maeneno mbalimbali ndani ya jiji la Dar es salaam
