Rais Samia aipongeza Yanga kwa ushindi dhidi ya Marumo

Rais wa Jamhuri ya Muungano wa Tanzania Mh Dk Samia Suluhu Hassan ameipongeza klabu ya Yanga kwa kuibuka na ushindi wa mabao 2-0 dhidi ya Marumo Gallants katika mchezo wa mkondo wa kwanza nusu fainali ya kombe la Shirikisho barani Afrika

Kupitia ujumbe alioweka kwenye ukurasa wa mtandao wa kijamii, Rais Samia ameitakia Yanga maandalizi mema kwa ajili ya mchezo wa marudiano utakaofanyika wiki ijayo huko Afrika Kusini ili kuweza kuipeperusha vyema bendera ya Tanzania

Hongereni Yanga kwa ushindi katika mchezo wenu wa raundi ya kwanza ya Nusu Fainali ya Kombe la Shirikisho (CAF Confederation Cup). Nawatakia maandalizi mema kwa mchezo wenu wa raundi ya pili, muendelee kuiheshimisha nchi yetu. Hamasa yangu inaendelea. pic.twitter.com/fhDKasAeu0

— Samia Suluhu (@SuluhuSamia) May 10, 2023