Msimu huu ni timu chache zilizoweza kuhimili presha ya Yanga pale zilipoongoza. Leo Dodoma Jiji waliamini wanaweza kushinda mchezo na kuanza kupoteza muda
Lakini Profesa Nasreddine Nabi kama ilivyo kawaida wake, akaingiza silaha tatu muhimu zilizoiangamiza Dodoma Jiji
Hapa nawazungumzia Mudathir Yahya, Farid Mussa na Clement Mzize ambao walihusika katika mabao yote matatu yaliyofungwa katika kipindi cha pili
Yanga imetwaa ubingwa kwa kufikisha alama 74, kama walivyofanya msimu uliopita lakini wakati huu bao wana mechi mbili mkononi
Leo Wananchi wameonyesha ukomavu, kwani licha ya kuwa nyuma katika mchezo ambao walihitaji ushindi ili kutwaa ubingwa, wachezaji 'hawakupanic', waliendelea kupitisha mpira katika njia zake na mwisho Dodoma Jiji walikubali yaishe
Pongezi kwa benchi la ufundi na wachezaji wote wa Yanga kwa kuhakikisha leo wanatwaa ubingwa
Ilikuwa muhimu sana kumaliza kazi leo ili Yanga ijikite kwenye michuano mingine kwa kuanzia na mchezo wa marudiano dhidi ya Marumo Gallants
Yanga itasafiri Alfajiri ya kesho Jumapili kuelekea Afrika Kusini
