Makamu wa Rais wa Yanga Arafat Haji amesema timu imeondoka Tanzania kuelekea Afrika Kusini ikiwa na lengo moja tu, kupata matokeo mazuri ambayo yatawavusha kwenda fainali ya kombe la Shirikisho barani Afrika
Jumatano, May 17 Yanga itashuka uwanja wa Royal Bafokeng kumenyana na Marumo Gallants katika mchezo ambao Yanga inahitaji ushindi au matokeo yoyote ya sare ili kutinga fainali
"Tunakwenda Afrika Kusini kupambana. Tumepata ushindi wa mabao 2-0 kwenye mchezo wa mkondo wa kwanza, hili ni jambo jema kwetu hivyo tunajua nini tunapaswa kufanya katika mchezo wa pili"
"Kwa bahati nzuri katika mashindano haya timu yetu imekuwa na rekodi ya kufanya vizuri ugenini. Tunawaheshimu Marumo ni timu nzuri, ina wachezaji wazuri wanocheza soka la kuvutia lakini hata sisi tuna uzuri wetu unaotufanya tuweze kupata matokeo mazuri sehemu yoyote"
"Tumejipanga, tunaamini walimu waliiona vizuri Marumo Gallants katika mchezo uliopita hivyo watakuja na mipango ambayo itatuwezesha kupata ushindi na kuvuka hatua hii ya nusu fainali," alisema Arafat
Yanga imesafiri Alfajiri ya leo Jumapili ikiwa na msafara wa takribani watu 100 uliojumuisha wachezaji viongozi na mashabiki ambao miongoni mwao 55 wamegharamiwa na Serikali
