Idadi ya tiketi ambazo Yanga imepokea kutoka kwa wadau mbalimbali ni 18,213, uongozi wa Yanga unaandaa utaratibu wa ugawaji wa tiketi hizo
Mkurugenzi wa Wanachama na Mashabiki wa Yanga Haji Mfikirwa amesema kwa sasa wamesitisha zoezi la ugawaji tiketi hizo ili kuandaa utaratibu ambao utawahakikishia waliopewa tiketi wanafika uwanjani
"Tunafahamu baadhi yetu wapo ambao sio waaminifu, wanapopewa tiketi wengine hawaji uwanjani lakini wengine wanaziuza hivyo wale wote wanaotaka tiketi tumewaambia watulie. Tutatangaza utaratibu"
"Lakini pia tunaendelea kupokea tiketi kutoka kwa wadau mbalimbali na kuwahimiza wengine waendelee kununua tiketi ili kuepuka usumbufu wa aina yoyote unaoweza kujitokeza," alisema Mfikirwa
Katika hatua nyingine, Afisa habari wa Yanga Ali Kamwe ametangaza kuwa shamrashamra kuelekea mchezo wa fainali kombe la Shirikisho dhidi ya USM Alger itazinduliwa Ijumaa, Mbagala Zakiem
"Siku ya ijumaa, tutakuwa na Shangwe ya FAINALI ya CAF pale ZAKIEM MBAGALA saa sita mchana. Makundi yetu ya HAMASA ya Yanga yatapaswa kufika eneo hilo. Wadau na watu mashughuli tunawaasa sana wafike eneo hilo. Patawaka moto. Maandalizi ya kwenda KUMKANDA mwarabu," alitamba Kamwe
Jumamosi kutakuwa na jogging ambayo itaanzia Makao Makuu ya Yanga, Jangwani kuanzia saa 12 asubuhi
