Kadi za njano zamkosesha Aucho fainali CAF CC

Yanga inakwenda kuwania ubingwa wa kombe la Shirikisho barani Afrika katika mechi mbili za fainali dhidi ya USM Alger bila ya kiungo wake Khalid Aucho

Yanga imethibitisha kuwa Aucho atakosa mechi zote mbili kutokana na idadi ya kadi sita za njano alizopata katika michuano hiyo

Kulingana na kanuni za CAF mchezaji anapopata kadi tatu za njano atakosa mchezo mmoja, kadi sita ni michezo miwili lakini kadi tisa atakosa mechi zote zilizosalia kwenye mashindano hayo katika msimu husika

Hii sio habari nzuri kwa Aucho na hata mashabiki wa Yanga ambao walikuwa na matumaini kuwa angeweza kucheza mechi ya pili kule Algeria