Mshambuliaji wa Yanga Fiston Mayele ameongoza mbio za wafungaji ligi kuu ya NBC kwa zaidi ya miezi sita lakini sasa anakabiliwa na upinzani kutoka kwa Saido Ntibazonkiza wa Simba aliyefikisha mabao 15
Mayele mwenye mabao 16 atahitaji kufunga kwenye mchezo wa mwisho siku ya Ijumaa dhidi ya Tanzania Prisons ili kuhakikisha anakuwa mfungaji bora
Msimu uliopita Mayele alikosa ufungaji bora mechi ya mwisho ya msimu baada ya George Mpole kufunga na kufikisha mabao 17
Ni wazi upinzani utakuwa mkali katika mchezo wa mwisho Saido na Simba watakuwa wakicheza na Coastal Union katika uwanja wa Uhuru wakati Mayele atahitaji kuwaadhibu maafande wa Tanzania Prisons kwenye uwanja wa Sokoine
Baada ya kuwa mfungaji bora wa michuano ya kombe la Shirikisho barani Afrika, ni wazi Mayele anahitaji kushinda tuzo ya Ligi Kuu ambayo ameongoza kwa muda mrefu
