Winga Dickson Ambundo ametoa shukrani kwa viongozi wa Yanga kwa kumpatia nafasi ya kuitumikia Yanga
Ambundo anaondoka Yanga baada ya mkataba wake wa miaka miwili kufikia tamati. Amesema alifurahia maisha ya kuwa Wanayanga, kuagana na Wananchi wenzake ni jambo linalompa huzuni
"Moja kati ya nyumba bora sana, nyumba yenye upendo, furaha, matumaini na umoja wa hali ya juu, nyumba ya mafunzo yanayo toa mwanga mzuri kwenye safari ya maisha"
"Kwa huzuni leo nawaaga wenzangu kwenye nyumba lakini moyo wangu umejawa na shukran za dhati kabisa kwa wenye nyumba kuanzia Uongozi bora kabisa chini ya Rais Injinia Hersi Said benchi la ufundi chini ya Nasreddine Nabi, wachezaji wenzangu na wananchi wote kwa ujumla"
"Mungu aendelee kuwabariki kuleta mafanikio zaidi katika safari yenu. Siku moja tutaonana tena nyumbani. Daima Mbele, nyuma Mwiko," aliandika Ambundo kwenye ukurasa wake wa mtandao wa kijamii
