Mabosi Yanga wakaa kikao na Mayele

Baada ya kurejea nchini kutoka kwenye majukumu ya timu ya Taifa, mshambuliaji Fiston Mayele amekutana na viongozi wa Yanga kwa ajili ya kujadili hatma yake

Yanga inataka kumbakisha Mayele hivyo wamempa ofa ya kuongeza mkataba wa miaka miwili

Pamoja na wingi wa ofa zilizotua Jangwani kumtaka Mayele, dhamira ya Yanga ni kuona mshambuliaji huyo bora anabaki

Yanga imeweka malengo ya kufanya vizuri msimu ujao hasa kwenye michuano ya ligi ya mabingwa barani Afrika

Kufikia malengo hayo lazima kuhakikisha inawabakisha wachezaji wake muhimu akiwemo Mayele

Kama makubaliano yatafikiwa huenda siku ya Jumamosi kwenye Mkutano Mkuu, Wanachama wakakutana na habari njema