Yanga U20 yaanza kwa kipigo ligi ya vijana

Yanga U20 imekumbana na kipigo kisichotarajiwa cha bao 1-0 kutoka kwa Dodoma Jiji katika mchezo wa ligi kuu ya Vijana U20 iliyopigwa uwanja wa Azam Complex, Chamazi

Pamoja na kutawala mchezo, vijana wa kocha Said Maulid "SMG" walikosa umakini katika lango la Dodoma Jiji

Unaweza kusema pengo la Clement Mzize ambaye alikuwa mfungaji bora msimu uliopita, halijazibwa

Mzize alipandishwa timu ya wakubwa, licha ya umri wake kuruhusu kushiriki michuano hiyo, amewapisha vijana wengine waonyeshe vipaji vyao

Yanga iliruhusu bao dakika za lala salama, sasa italazimika kushinda mechi mbili zilizobaki dhidi ya Tanzania Prisons na Polisi Tanzania ili kuwa na nafasi ya kutinga robo fainali