Kocha Mkuu wa Yanga Miguel Angel Gamondi ndiye atakayeamua hatma ya kiungo Jonas Mkude kusajiliwa Yanga au la
Afisa Habari wa Yanga Ali Kamwe amesema hakuna timu haitapenda kuwa na mchezaji kama Mkude ambaye ana uzoefu mkubwa wa soka la Tanzania na hata Kimataifa
Kamwe amesema kama Gamondi atapendezwa na kiungo huyo basi Wanachama na Mashabiki wa Yanga watarajie kumuona katika kikosi chao msimu ujao
"Mkude ni miongoni mwa viungo bora wa kuzuia nchini, ni mchezaji mwenye uzoefu mkubwa na soka la Tanzania"
"Ikitokea kocha (Gamondi) amemuhitaji basi atasajiliwa kwani tunaamini atakuwa na mchango mkubwa katika klabu yetu. Sio Yanga tu, hata kama atasajiliwa na timu nyingine tutaamini mchango wake utakuwa mkubwa," alisema Kamwe
Mkude ameibua mjadala baada ya kuibuka kwa taarifa kuwa Yanga imempa mkataba wa mwaka mmoja
Baada ya kuhusishwa na Yanga, waliokuwa waajiri wake Simba wameibuka na kudai wanatambua thamani ya mchezaji huyo na watafanya tukio kubwa la kumuaga katika Tamasha la Simba Day
Miongoni mwa waliohoji kauli ya Simba iliyotolewa baada ya Mkude kuhusishwa na Yanga ni Kamwe ambaye alisema hana uhakika kama timu yake mpya itamruhusu aache pre-season ili aende akaagwe
"Yani mchezaji yuko pre-season na timu yake mpya halafu mnamwambia aje ili aagwe, mlikuwa wapi kufanya jambo hilo mapema? Kwani hamkujua kama hamtaendelea nae?"
"Sisi tulimuaga Haruna Niyonzima kwenye mechi ya mwisho ya msimu wa ligi kuu. Hivi ndivyo timu kubwa hufanya. Nasubiri kuona kama hiyo timu yake mpya itamruhusu aache pre-sesaon ili mumuage, nimekaa pale.....!"
